Меморандум аясында BTS Education «Білім-Инновациямен» бірлесе отырып білім нарығын зерттейді және кәсіби бағдар беру құралын жасақтайды. Сондай-ақ тараптар Жаңа Мамандықтар Атласын, виртуал мектепті, жасанды интеллект негізінде виртуал ментор мен өзге де білімге қатысты ІТ жобаларды бірлесіп атқаруға келісті. Қолға алынған бұл жобалар мен өнімдердің барлығы білім мен тәрбие процесін жақсартуға бағытталады.
Меморандум мақсаты - жолдастық қарым-қатынасты нығайту мен ұзақ мерзімді, тиімді және өзара әріптестікті дамыту. «Білім-Инновация» ХҚҚ — бұл Қазақстан мен Түркияның жолдастығы аясында құрылған халықаралық қоғамдық қор. Осы қордың жетекшілігімен мемлекеттік лицейлер, халықаралық мектептер, колледждер мен жеке меншік лицейлер жұмыс істейді. BTS Education — халықтың даму қабілетін нығайтуға бағытталған қолжетімді білім шешімдерінің орталығы.